Претседателот на САД, Доналд Трамп, објави видео генерирано од вештачка интелигенција кое прикажува армија од вооружени канадски гуски со фризури во стилот на Трамп како патролираат по бреговите на „Езерото Америка“.
Тој го објави видеото откако потпиша извршна наредба за преименување на езерото Онтарио во „Езеро Америка“.
Снимката која трае 34 секунди, на која се слуша главната песна од серијата „Хаваи 5-0“, прикажува канадски гуски, еден од најраспространетите видови диви гуски во светот, како маршираат во близина на Големите езера.
Гуските имаат човечки раце, носат автоматски пушки и препознатливата руса фризура на американскиот претседател.
Потоа гуските пукаат во воздух додека огномет се појавува над хоризонтот на блискиот град, кој наликува на Торонто.
Трамп го објави видеото откако потпиша извршна наредба со која им се наредува на федералните агенции да го нарекуваат езерото Онтарио „Езеро Америка“ во сите официјални документи и записи.
Одлуката дојде откако Трамп претходно оваа недела објави дека САД „сериозно размислуваат“ за промена на името на езерото, кое се протега на границата меѓу САД и Канада.
Според американскиот закон, претседателот може да им наложи на федералните агенции да именуваат географски карактеристики, но не може да ги принуди странските земји, приватните субјекти или американските држави да усвојат такво име, според Индепендент.
Канадскиот премиер Марк Карни одговори на одлуката на Трамп во објава на платформата „Икс“.
„Името Езеро Онтарио доаѓа од збор од Вендат Онтарио, што соодветно значи „езерото е убаво, езерото е одлично““, напиша Карни, додавајќи дека името е старо повеќе од 400 години и датира и од создавањето на Канадската конфедерација и од Декларацијата за независност на САД, пренесе „Танјуг“.
Односите меѓу САД и Канада се влошија откако Трамп ја презеде функцијата, делумно поради неговите постојани предлози Канада да стане „51-ва држава“ на САД и трговскиот спор.
ИЗДВОЕНИ
Најмногу количина дожд наврна во Крива Паланка во локално невреме што синоќа ја зафати Македонија – попладне се очекува локална нестабилност со пороен дожд, грмежи и засилен ветер
Живописноста на Матка – неисцрпен туристички потенцијал
ЧУДОТО ОД ЦРНИЧЕ – ОД ЗАБОРАВЕН ПОДРУМ ДО СВЕТА РЕЛИКВИЈА: Пред иконата на Пресвета Богородица што плаче, молитви стигнуваат од целиот свет
Предание за чудесната икона што излегла од пламенот и го спасила селото од чума: Богородица – едно село, една богомајка, вековна легенда
