Координацијата на активностите поврзани со ангажирањето служба за 24-часовно дежурство на депонијата на територијата на Општина Арачиново, со цел заштита од нејзино потенцијално потпалување, била една од темите за кои се разговарало вчера, на работниот состанок меѓу директорот на Центарот за управување со кризи, Мухамед Али, и градоначалникот на Општина Арачиново, Даут Беќири, а на кој присуствувал и командантот на полициската станица во Арачиново.
Од ЦУК информираа дека целта е унапредување на координацијата и превентивно дејствување при справувањето со потенцијалните ризици.
Дополнително, било договорено да се реализира обука во основните училишта на територијата на Општината, со цел едукација на наставниот кадар и на учениците за навремено препознавање и ефикасно справување со евентуалните ризици и кризни состојби.
– Соговорниците ја потврдија подготвеноста за континуирана соработка и заедничко дејствување, а приоритет се безбедноста на граѓаните и заштитата на животната средина – соопштија од ЦУК.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
