Замислете го ова лудо сценарио – Сидни Свини е следниот Џејмс Бонд

Актерката Сидни Свини доби поддршка од холивудскиот режисер Пол Фиг да глуми во следниот филм за агентот 007 – но, не како традиционална девојка на Бонд, туку како самиот Бонд.

Фиг, која работеше со Свини на нејзиниот последен хит „Слугинката“, (The Housemaid), рече дека актерката би била совршена за улогата на супершпион.

„Имало одлични девојки на Бонд, но ајде, дозволете ѝ да биде супершпионка. Таа е одлична“, рече режисерот.

Нејзиниот професионализам и талент се несомнени.

„Таа е една од највредните и најпрофесионалните луѓе што ги познавам, паметна, досетлива. Мислам дека би била одлична шпионка“, додаде Фиг.

Американската актерка (28) покажа интерес за франшизата откако ја презема Amazon MGM.

„Отсекогаш сум била голем обожавател и возбудена сум и љубопитна да видам што ќе направат со неа“, рече Свини.

Кога ја прашале дали би сакала да игра Бонд девојка, Свини одговорила: „Зависи од сценариото. Мислам дека би се забавувала повеќе како Џејмс Бонд.“

Арон Тејлор-Џонсон, Калум Тарнер, Џејкоб Елорди и Џек О’Конел се имињата кои засега се споменуваат за улогата на Бонд.

Режисерот Денис Вилнев, познат по „Дина“, ќе го води следниот филм за 007, а сценариото ќе го напише Стивен Најт.

Доколку Сидни Свини ја добие улогата, таа би станала првата жена што ќе го игра Бонд во модерната франшиза, што ќе биде голема пресвртница во историјата на серијата.