Барселона беше многу активна на пазарот ова лето, а спортскиот директор, Деко, успеа да ги доведе Ентони Гордон, Карим Адејеми, Жоао Кансело и Родри досега во преодниот рок.
Сепак, јасно е дека Деко и неговите соработници ќе се потрудат да доведат напаѓач до крајот на преодниот рок, бидејќи Ханси Флик нема класичен централен напаѓач во својот тим по заминувањата на Роберт Левандовски и Феран Торес.
Одамна е познато дека прва желба на Барселона е аргентинскиот напаѓач, Хулијан Алварес, но Атлетико Мадрид едноставно не сака да го продаде и одбива дури и да почне преговори.
Затоа Барселона мора да бара резервно решение, а неколкумина други напаѓачи веќе се поврзуваат со неа. Некои шпански медиуми објавија дека таа „се насочила кон Виктор Џокереш од Арсенал и ќе се обиде да потпише со него.
Цената на напаѓачот е околу 60 милиони евра, но со оглед на тоа што има уште четири години од договорот, сигурно е дека Арсенал ќе бара повеќе пари ако одлучи да го продаде.
Се шпекулираше дека 28-годишникот би можел да го напушти „Емирати“ и дека е поврзуван со Атлетико Мадрид, но сега се појавија информации дека и Барселона е заинтересирана за него.
Деко веќе контактирал со претставниците на Арсенал за да се распраша за трансфер и сака сè да се одвива што е можно побрзо за да може да ги истражи и другите опции ако не е Џокереш на продажба или ако е превисока цената за него.
Се очекува првите сериозни разговори меѓу Барса и Арсенал да се одржат во следните 24 часа, кога ќе се знае дали има простор за трансфер на Џокереш.
Швеѓанецот наводно станал многу заинтересиран кога слушнал дека Барселона се интересира за него и дека нема ништо против да оди во нејзините редови, но е свесен дека работата е сè друго, освен лесна.
Џокереш пристигна во Арсенал пред една година, од Спортинг Лисабон, за околу 67 милиони евра. Во својата прва сезона со „топчиите“, тој одигра 56 натпревари на кои постигна 21 гол и додаде три асистенции.
