Селекцијата на Шпанија, по 16 години, повторно се искачи на светскиот фудбалски трон, откако во финалето на Светското првенство ја совлада Аргентина со 1:0 по продолженија.
„Црвената фурија“ одигра фантастичен турнир, а херој на финалето беше Феран Торес, кој на почетокот од второто продолжение го постигна единствениот гол за новата светска титула.
По враќањето од САД, шпанските репрезентативци беа пречекани како херои во Мадрид, каде што илјадници навивачи излегоа на улиците за да го прослават големиот успех. За време на официјалната церемонија, играчите еден по еден излегуваа на сцената, но најголемо внимание привлече коментарот на водителот Раул Рамос при претставувањето на Јереми Пино.
- Во Ломо дел Чентчи, Пино го викаа Кристијано Роналдо, а знаете која е разликата? Пино го има трофејот од Светското првенство, изјави Рамос.
Оваа реченица веднаш предизвика бурни реакции на социјалните мрежи, особено кај навивачите на Кристијано Роналдо, кои ја оценија како непотребна провокација кон португалската легенда.
Инаку, Пино има 25 настапи и четири гола за шпанската репрезентација, а на Мундијалот 2026 запиша два настапи во групната фаза, против Саудиска Арабија и Уругвај. И покрај скромната минутажа, тој стана дел од генерацијата која ја врати светската титула во Шпанија.
ИЗДВОЕНИ
Невремето остави пустош: 15 лица завршија во болница, 112 „вжештена“ со над 8.300 повици – нов удар се очекува ноќва
Панчев без влакна на јазикот: Ерата на Меси завршува, фудбалот целосно се менува
Урагански ветер го погоди Скопје: Летаа кровови, паѓаа дрвја, градот остана во хаос/ФОТО/ВИДЕО
Гостивар жеден и болен – весникот ВЕЧЕР во градот што остана без доверба во чешмите и во институциите
