Вучиќ за ковертот со три куршуми за Дачиќ: „Некој го предизвика сето ова создавајќи атмосфера на омраза“

Српскиот претседател Александар Вучиќ се огласи по веста дека министерот за внатрешни работи Ивица Дачиќ добил коверт со три куршуми.

Тој рече дека во полицијата работат „прекрасни луѓе, а нивна работа е да чуваат ред, дисциплина и поредок“.

„Ивица ми рече вчера дека тоа е дел од вообичаената работа. Некој го предизвикал сето ова за да создаде атмосфера на омраза“, рече Вучиќ.

„Се надевам дека ќе спроведат истрага, дека ќе најдат отпечатоци од прсти и ќе можат да утврдат кој мисли дека е толку паметен да се шегува со куршуми и муниција и да испраќа такви пораки. Но, некој го создаде сето ова создавајќи атмосфера на омраза, ужасна атмосфера, безброј лаги како онаа од Ваљево каде што дете почина или беше тешко повредено, а такво дете воопшто не постои, па затоа лажеа за сè“, додаде Вучиќ.