Возачите во американски град на голема мака: Клукајдрвец им ги крши ретровизорите

Жителите на малиот град Рокпорт во американската држава Масачусетс се борат со птица, клукајдрвец кој ги напаѓа.

Тие врзуваат кеси за ѓубре и крпи преку надворешните ретровизори на своите автомобили за да ги заштитат од насилниот и решителен голем клукајдрвец.

Во изминатите неколку недели, птицата скршила повеќе од дваесет ретровизори и еден прозорец на автомобил.

Но, мештаните реагираат со хумор: „Сите се смеат. Никој не сака да повреди птица, секогаш е добредојдено“, рече Бен Фаварло.

Фаварло, кој живее таму речиси 40 години, рече дека видел повремено клукајдрвец во претходните години и дека минатото лето исечел неколку дрвја бидејќи биле сериозно оштетени од растот на птиците, но дека нападите на клукајдрвецот врз стаклото се нови.

„На почетокот само забележавме дека сите надворешни огледала се поместени. Изгледаше како некое дете во соседството да се врти наоколу туркајќи ги ретровизорите надолу“, рече тој. Потоа неговата снаа забележала голем клукајдрвец, долг околу 20 инчи, во камионот на Фавалор, како клука во ретровизори.

Големиот вид клукајдрвец е доволно силен за да скрши стакло, но однесувањето е дефинитивно чудно, рече Памела Хант, виш биолог за заштита на птиците во Институтот Њу Хемпшир.

„Многу птици се агресивни кон своите одрази во огледалата, но обично не го слушате тоа за клукајдрвците. Тие дури и не ги клукаат своите противници, туку само ги бркаат“, рече таа.

Таа рече дека клукајдрвецот што нападна автомобили „можеби е глупав“ и се обидува да ја одбрани својата територија со „плашење“ на својот одраз во ретровизорот, кое го гледа како своја конкуренција.

Штетата се совпаѓа со сезоната на размножување на големиот шарен клукајдрвец, а локалната жителка Барбара Смит рече дека „клукајдрвците мора да прават што прават клукајдрвците. Среќно, клукајдрвецу!“

Фаварло рече дека клукајдрвецот и вниманието на медиумите што го привлече се забавно одвлекување на вниманието од сите загрижувачки работи што се случуваат во светот.

„Малото гратче Рокпорт каде што живеам е една од најбезбедните заедници наоколу, а оваа работа со клукајдрвецот е еден од најголемите „злосторства“ во последниве години. Малку е смешно, но е и убаво“, рече тој.