Вооружени лица убија 17 земјоделци додека работеа на своите полиња во северозападна Нигерија и ранија 13, изјавија локален службеник и жител.
Нападот се случил во петокот во селото Горон Намаџе во областа Марадун во државата Замфара, каде што нападите на бандите се во пораст во последните месеци.
„Земјоделците работеа на својата земја кога бандитите одеднаш нападнаа и убија 17“, изјави денес Шеху Муса, жител на Марадун, за Асошиејтед Прес, додавајќи дека ранетите се однесени во болница.
Ниту една група не ја презеде одговорноста за нападот.
Сануси Досара, претседател на Советот на локалната самоуправа во Марадун, рече дека нападот е резултат на одбивањето на владата на државата Замфара да преговара со бандите.
Досара ги повика владините сили да ја расклопат енклавата Бајан-Рува во шумата Марадун, каде што се кријат бандите.
Во четврток, вооружени лица киднапираа 39 лица во Магамин Диди, село во Марадун, за време на мировните преговори меѓу жителите и родителите на осомничен водач на бандити за ставање крај на киднапирањата.
Според Обединетите нации, годините бунт во североисточна Нигерија и киднапирањата за откуп убија илјадници, а милиони раселија и покрај повторените ветувања на претседателот Бола Тинубу за справување со кризата, пренесе „Бета“.
ИЗДВОЕНИ
Конзорциум предводен од градежната компанија „Гранит“ ќе го гради автопатот Скопје-Блаце, изградбата стартува летово
Ристовски: Ветувањата имаат тежина само ако ги исполнуваме!/видео
За среќа, тука е Pepco: Омилениот европски бренд на 18 јуни истовремено отвора две продавници во Скопје!
Брзите кредити ќе се добиваат преку банкарска сметка, веќе нема пари на рака
