Вонредни парламентарни избори во Косово – граѓаните избираат 120 пратеници

Вонредни парламентарни избори во Косово се одржуваат денес, а граѓаните избираат 120 пратеници.

24 политички субјекти – 18 партии, три коалиции, две граѓански иницијативи и еден независен кандидат – учествуваат во изборната трка, јавуваат локалните медиуми.

Ова се четвртите избори оваа година, вклучувајќи ги и двата круга локални избори одржани во октомври и ноември.

Годината што започна со неуспешен обид за формирање нова влада завршува на ист начин – со нова излезност на граѓаните на гласачките места, во обид да се прекине речиси едногодишниот институционален застој.