Војната се разгорува: Американската војска започна нови напади врз Иран – „Ниту капка нафта нема да го напушти регионот…“, возвратија од ИРГК

Американската војска започна нови воздушни напади врз цели во Иран. Ова е четврти ден по ред Пентагон започна напади врз Иран, откако американскиот претседател Доналд Трамп објави дека прекинот на огнот е завршен, а Иран возврати со напади врз американските бази во регионот, како и врз танкери за нафта во Ормускиот теснец.

Според американски функционер цитиран од „Ројтерс“, американските сили извршија неколку дополнителни напади врз воени цели во Иран порано денес.

Целта на најновите напади врз Иран беше „да се елиминираат новите закани“, додаде американскиот функционер.

Кратко потоа, Корпусот на Исламската револуционерна гарда (ИРГК) на Иран соопшти дека насочил непријателско оружје во Бахреин и Кувајт.

🚨 NOW: US CENTCOM is BOMBING IRAN as we speak — ABC pic.twitter.com/EqS6hZwFyf

— RightLine (@RightLineNews) July 14, 2026

ИРГК, исто така, предупреди дека американските напади само ќе го одложат повторното отворање на Ормускиот теснец и рече дека ниту капка нафта нема да го напушти регионот поради новите напади.

Додека „злите дела“ на САД продолжуваат во регионот, „ниту една капка нафта и гас“ нема да се извезува, објавија иранските државни медиуми.