Македонскиот кошаркарски тренер Антонио Савевски загина во сообраќајна несреќа што изминатата ноќ се случи на магистралниот пат Охрид – Кичево.
„Со голема тага ја примивме веста за заминувањето на Антонио Савевски, кој на само 33 години го напушти светот на кошарката и оние со кои го споделуваше својот живот и љубовта кон спортот“, објави попладнево Кошаркарската федерација на Македонија (КФМ).
Савевски беше дел од тренерските тимови на Охрид, Вардар, Водно Санс и Ангели, со особено посветеност кон развојот и работата со младите категории кошаркари.
Несреќата, како што соопшти Министерството за внатрешни работи, се случила вчера во 23:30 часот на магистралниот пат Охрид-Кичево, кога патничко возило „хјундаи гец“ со охридски регистарски ознаки, удрило во кучиња-скитници, а потоа и во метални браници на патот и се запалило.
Од екипа на Територијалната противпожарна единица Охрид, пожарот е изгаснат, а во возилото е пронајдено телото на починатиот возач.
ИЗДВОЕНИ
Ќе поскапат ли горивата и покрај падот на цената на нафтата на светските пазари?
По пребројани 100 отсто од гласовите Радически од ВМРО-ДПМНЕ освои најмногу гласови, втор е Јахиј од НАИ – во Брвеница ќе има и втор круг
Врело на Матка се отвори до неверојатни 338 метри!
Пред да увеземе странци, да ги вработиме нашите
