Пакистан ќе издвои 2.000 мегавати електрична енергија во првата фаза од национална иницијатива за рударење биткоини, како и за отворање центри за развој на вештачка интелигенција (ВИ).
Веста ја соопшти министерството за финансии на земјата.
Како што се наведува, тој дел од планот на Исламабад е да го искористи вишокот електрична енергија со која располага, пренесува „Ројтерс“.
Оваа иницијатива ја предводи владино тело, Пакистанскиот совет за крипто валити, а тоа е дел од поширока стратегија да се искористи вишокот струа, да се создадат работни места во секторот на високата технологија и да се привлечат странски инвестиции.
Пакистанскиот сектор за енергетика е соочен со предизвици, вклучувајќи ги и високите царини за струја и вишокот производствен капацитет.
Брзата експанзија на соларната енергија доведе до тоа се повеќе потрошувачи да се свртуваат кон алтернативни извори на енергија за да ги намалат трошоците, пренесува „Ројтерс“.
