Вештачката интелигенција (ВИ) би можела значително да го зголеми јазот помеѓу развиените и земјите во развој, предупреди Програмата за развој на Обединетите нации (УНДП) во нов извештај.
Документот повикува на итни политички мерки за да се спречи продлабочувањето на глобалните нееднаквости, објави Ројтерс.
Извештајот „Следниот голем јаз: Зошто вештачката интелигенција би можела да ја зголеми нееднаквоста меѓу земјите“ предупредува дека ВИ се заканува да поништи дел од напредокот постигнат во последните децении, благодарение на трговијата, технолошкиот развој и меѓународната соработка, кои помогнаа да се намалат нееднаквостите во приходите, здравството и образованието.
