Американскиот потпретседател Џ.Д. Венс изјави дека во „некои аспекти“ дипломатските разговори на САД со Иран поминале добро, при што двете страни се согласиле да се сретнат потоа.
„Претседателот на САД се обидува да најде решение тука, без разлика дали преку дипломатски опции или преку некоја друга опција, што значи дека Иранците не можат да имаат нуклеарно оружје“, изјави Венс за Фокс њуз.
Иран ги отфрла тврдењата дека тајно се обидува да развие нуклеарно оружје и вели дека има право да користи нуклеарна енергија за мирни цели.
Венс го изрази овој став неколку часа по преговорите меѓу претставниците на Вашингтон и Техеран во Женева. Првата рунда разговори за намалување на тензиите меѓу двете земји се одржа претходно овој месец во главниот град на Оман, Мускат.
Тензијата меѓу САД и Иран ескалира, откако Трамп во јануари објави дека „армада“ од воени бродови патува кон Иран. Американски воени бродови се стационирани во регионот во последните неколку недели.
ИЗДВОЕНИ
Совет на ЈО: Ја чекаме пријавата па ќе заседаваме
Панчевски најави кривична пријава против членовите на Советот на јавни обвинители
Градилиштата опасни за минувачите – оградите веднаш до улица, тротоар, па и паркинг
Ќе се повтори ли битолското сценарио и по поплавите, кои оставија под вода цели населби: Штетите во илјадници евра, обесштетувањата ситнеж
