Јапонија воведе казни за туристите кои се однесуваат лошо, придружувајќи им се на земји како Италија, Грција, Шпанија, Исланд и Франција во борбата против прекумерниот туризам.
Одлуката доаѓа по рекордниот број посети по пандемијата и зголемениот притисок врз локалните заедници, инфраструктурата и животната средина.
Во популарните дестинации како што е селото Хакуба, воведени се казни до 50.000 јени за бучава, графити и други форми за нарушување на јавниот ред и мир.
Јапонија, исто така, разгледува дополнителни мерки, вклучувајќи туристички даноци, ограничувања на бројот на посетители на места како што е планината Фуџи и построги правила во градови како што е Кјото.
Слични мерки веќе се во сила низ цела Европа. Италија воведе билети за еднодневни посетители во Венеција, додека Помпеја и Фиренца го ограничија бројот на посети и краткорочни изнајмувања.
Грција го контролира протокот на туристи на островите и пристигнувањето на крстосувачките бродови, Шпанија го казнува несоодветното однесување и ги штити локалните станови, додека Исланд и Франција користат даноци и прописи за да ја зачуваат природата и културното наследство.
Заедничката цел на овие земји е развој на одржлив туризам, кој ги штити локалните заедници и природата, а во исто време обезбедува долгорочни економски придобивки.
Пренаметливиот туризам сè повеќе се смета за глобален предизвик, а регулирањето на туристичките посети и однесување станува клучна алатка во обликувањето на иднината на патувањата.
