Синоќа, украинските сили нападнаа голема рафинерија за нафта во регионот Ленинград во северозападна Русија и воздухопловна база во регионот Краснодар. Според извештаите од каналот „Телеграм“, кој ја следи војната, нападите биле извршени со беспилотни летала, пишува „Киев Индепендент“.
Една од најголемите руски рафинерии, Киришинефтеоргсинтез, попозната како Кинеф, се запали по напад во регионот Ленинград. Каналот Телеграм Ексиленова Плус објави дека објектот бил погоден од украинските сили. Рафинеријата е под западни санкции воведени од сојузниците на Украина, вклучувајќи ги и САД.
Гувернерот на регионот Ленинград, Александар Дрозденко, потврди дека „е пријавен пад на дрон во близина на рафинеријата во округот Кириши, што предизвика пожар“. Тој исто така рече дека 62 беспилотни летала биле соборени над регионот.
Во исто време, погодена е и воздухопловна база во градот Јејск во регионот Краснодар во јужна Русија. Сведоците пријавија серија моќни експлозии во областа.
Каналот „Егзиленова Плус“, повикувајќи се на снимки од очевидци, објави дека украински беспилотни летала биле забележани и над Смоленскиот регион. Сè уште не е познато дали погодиле цели таму. Гувернерот на Смоленскиот регион, Василиј Анохин, претходно објави дека поради заканата од беспилотни летала биле активирани сирени за воздушен напад.
Kirishi — local residents report a strike on the Kirishinefteorgsintez oil refinery. pic.twitter.com/pWZd3hdkp6
— Exilenova+ (@Exilenova_plus) August 30, 2026
Експлозии беа регистрирани и во текот на ноќта во Брјанскиот регион, но локалните власти сè уште не ја коментираа ситуацијата. Деталите не можат независно да се потврдат.
Претходната ноќ, на 29 август, украинските сили нападнаа магацин на рускиот онлајн трговец на мало „Озон“ во Ростов на Дон, како што потврди и самата компанија. Во исто време, имаше извештаи за напади на неколку локации во Ростовскиот регион.
More from Yeysk, where the airfield was struck overnight. https://t.co/dh1dX1UCvo pic.twitter.com/JhC3dYFEyP
— WarTranslated (@wartranslated) August 30, 2026
Генералштабот на украинската војска објави дека ноќната операција на 29 август ги погодила и руските воени цели на окупираните територии на Украина. Целите беа објекти за складирање, подготовка и лансирање на борбени беспилотни летала во окупираниот Донецк и во селото Гвардијске во близина на Симферопол на Крим.
ИЗДВОЕНИ
Најмногу количина дожд наврна во Крива Паланка во локално невреме што синоќа ја зафати Македонија – попладне се очекува локална нестабилност со пороен дожд, грмежи и засилен ветер
Живописноста на Матка – неисцрпен туристички потенцијал
ЧУДОТО ОД ЦРНИЧЕ – ОД ЗАБОРАВЕН ПОДРУМ ДО СВЕТА РЕЛИКВИЈА: Пред иконата на Пресвета Богородица што плаче, молитви стигнуваат од целиот свет
Предание за чудесната икона што излегла од пламенот и го спасила селото од чума: Богородица – едно село, една богомајка, вековна легенда
