Со многу ентузијазам, тимска работа и дружба, учениците од „Кју-ес-ај“, Интернационално училиште Скопје, ја реализираа иницијативата „Ученици во служба на заедницата“, во рамки на програмата „Недела на учење надвор од училницата“.
Во соработка со Општина Карпош, детските градинки „Мајски цвет“ и „Пролет“ и ООУ „Лазо Трповски“, учениците учествуваа во активности за разубавување на просторот при што садеа нискоџбунести растенија, бојадисуваа огради и реквизити и со тоа придонесоа за поубава и поуредна средина за децата.
Од Општина Карпош, информираат дека во акцијата учествувал и претседателот на Советот, Христо Саракинов, давајќи свој придонес и пример за поддршка на ученичкиот активизам, соработката и заедничката грижа за општината.
– Оваа иницијатива е уште еден доказ дека младите можат да бидат двигатели на позитивни промени во заедницата, со активизам кој води кон создавање на подобра и поубава средина за сите – нагласуваат од локалната самоуправа.
ИЗДВОЕНИ
Петровден е и денот на традиционалната културна манифестација Галичка свадба – живо сведоштво за дел од нашето културно наследство
Најголемиот маратон сега го пливам надвор од водата!
Мецола: Статус кво состојбата ја оддалечува Македонија од Европа
ИГОР ИЛКОВ, ПРЕТСЕДАТЕЛ НА ПЧЕЛАРСКАТА ФЕДЕРАЦИЈА: Без пчелите ќе останеме без храна, не само без мед!
