Ученици, на Градскиот плоштад, делеа флаери со едукативна содржина

Ученици од училиштата во Скопје денеска делеа флаери со едукативна содржина, но и совети до повозрасните како да постапат во случај на пожари и кои се последиците од нивното настанување. Настанот се одвиваше на Градскиот плоштад, во периодот од 11:30 до 12:30 часот и беше дел од кампањата на Противпожарниот сојуз на Град Скопје за заштита на шумите и на другите површини од пожар.

– Кампањата ја организираме во соработка со Дирекцијата за заштита и спасување и со ЈП „Национални шуми“. Таа има едукативен и превентивен карактер и има цел едуцирање на помладата и на повозрасната популација, како да постапуваат за да не дојде до пожар и да се заштитат шумите и земјоделските површини. На ваков начин, сметаме дека свеста кај нив ќе биде на повисоко ниво и ќе придонесе за развој на општата и на противпожарната култура – изјави Петар Плотников, претседател на Противпожарниот сојуз на Град Скопје.

(А. П.) Фото: П. С.