Полициски службеници од ЕВР Центар и Бит Пазар денеска околу 12:40 часот на улицата „Кирил и Методиј“ во Скопје го лишија од слобода Ш.А. (54) од Скопје, поради сомнение дека ја оштетил влезната врата на Амбасадата на Република Бугарија.
Како што информираат од полицијата, инцидентот се случил вчера (11 јануари), кога било оштетено стаклото на влезната врата од амбасадата. Веднаш по пријавата, биле преземени мерки и активности за пронаоѓање на сторителот и целосно расчистување на случајот.
По документирање на настанот, против осомничениот ќе биде поднесена соодветна пријава.
