Турското Министерство за внатрешни работи во саботата соопшти дека властите уапсиле 199 лица осомничени за врски со терористичката организација ИСИС во голема антитерористичка операција низ целата земја.
„Вкупно 199 осомничени се уапсени во полициска операција спроведена во 30 провинции против терористичката организација ДАЕШ“, се вели во соопштението на министерството. Операцијата е спроведена во Истанбул и Анкара, меѓу другите градови.
Обвиненијата против уапсените вклучуваат членство во ИСИС, споделување пропагандна содржина за организацијата на социјалните медиуми и финансирање на ИСИС преку посредници или, како што беше наведено, „т.н. хуманитарни организации“.
Кон крајот на јуни, турската полиција уби маж осомничен за врски со ИСИС во престрелка во јужна Анкара, две недели пред самитот на НАТО што требаше да се одржи во главниот град.
По инцидентот, 209 лица осомничени за врски со ИСИС или крајно левичарски групи беа уапсени по наредба на главниот обвинител на Анкара.
ИЗДВОЕНИ
Пофалби од Брисел, рампа за преговорите
Клековски во гостиварската Општа болница: Се бара причината за зголемениот број на пациенти во Гостивар – најголем број од случаите се регистрирани во последните два дена
Не може ако е купен станот по 3.000 евра за квадрат, да се плаќа данок како да вреди 1.500 евра
Поевтини горива ќе се точат цело лето и цела есен
