Трамп за воената парада во Кина: Се надеваа дека гледам – и гледав, “многу, многу импресивна“

Американскиот претседател Доналд Трамп го угости полскиот претседател Карол Навроцки во Овалната соба. Тој коментираше за големата воена парада што се одржа вчера во Пекинг по повод 80-годишнината од крајот на Втората светска војна.

Трамп рече дека тоа била „многу, многу импресивна и прекрасна церемонија“. „Но, ја разбрав причината зошто го правеа тоа. И се надеваа дека ќе гледам. И го направив тоа. Мојот однос со сите нив е многу добар. Ќе откриеме колку е добар во текот на следната недела или две“, објави Трамп.

На прашањето дали е вознемирен што не е поканет на парадата, Трамп одговори: „Досега не сум ни помислил на тоа. Не би било мое место да бидам таму“.

Кина претстави низа нови оружја на големата воена парада во Пекинг, вклучувајќи балистички ракети со нуклеарен погон, ласери и џиновски подводни беспилотни летала. Во говорот пред парадата, претседателот Шји Џинпинг рече дека Кина е „незапирлива“ и дека „никогаш нема да биде заплашена од насилници“.