Американскиот претседател Доналд Трамп ќе потпише извршна наредба за ублажување на царините од околу 25 проценти за автомобили и автоделови, објави Белата куќа.
Производителите на автомобили предупредија дека новите царини би можеле да ги направат автомобилите поскапи, да ја намалат продажбата и да го направат американското производство помалку конкурентно во светот, објавува АП.
Прес-секретарката на Трамп, Керолин Ливит, денес изјави дека Трамп ќе потпише наредба за ублажување на некои царини подоцна во текот на денот, но не даде дополнителни детали.
Министерот за финансии на САД, Скот Бесант, рече дека целта е да им се овозможи на производителите на автомобили да создадат повеќе работни места во САД, објавува Бета.
Извршната директорка на „Џенерал моторс“, Мери Бара, рече дека нејзината компанија му е благодарна на Трамп за неговата поддршка за автомобилската индустрија и рече дека со нетрпение очекува да разговара со претседателот и да соработува со неговата администрација.
„Веруваме дека раководството на претседателот помага да се изедначат условите за компании како нашата и ни овозможува да инвестираме уште повеќе во американската економија“, рече Бара.
ИЗДВОЕНИ
Димитровска со допис до јавноста: Комуникацијата со обвинетиот во „Адитив“ не е поврзана со случајот, тој ми е семеен пријател
Вонреден состанок на Божиновска и Бислимоски: МЕПСО може да исклучува фотоволтаици за стабилен систем за 1 Мај
„Тука сум, не бегам од одговорност!“
„Прошка нема, правда за нашите ангели мора да има“
