Трамп бара Сорос да биде гонет според законот за мафијата

Американскиот претседател Доналд Трамп изјави дека Џорџ Сорос, кого го нарекува главен финансиер на левичарските протести и медиумски кампањи во САД, мора да биде изведен пред лицето на правдата и гонет според Законот RICO, кој вообичаено се користи за борба против мафијашките организации.

– Џорџ Сорос, заедно со неговиот син, треба да бидат обвинети според Законот RICO за поддршка на насилни протести и многу други акции низ САД. Нема да дозволиме овие лудаци да ја растргнат Америка – наведе Трамп на социјалната мрежа Truth Social, пренесува RT Balkan.

Како што е наведено, обвинувањето на Трамп не е без основа, бидејќи извештаите покажуваат дека од 2016 до 2023 година, Сорос насочил околу 194 милиони долари за поддршка на протести и организации кои дејствуваат против него и Републиканската партија. Само за време на овогодинешниот Први мај, повеќе од илјада протести против политиките на Трамп беа координирани преку движењето „50501“ и сродни организации, финансиски поддржани од мрежа на фондации и донатори, вклучувајќи го и швајцарскиот милијардер Хансјерг Вис.

Според анализите, Сорос и неговите партнери насочиле над 500 милиони долари за активности против Трамп во текот на изминатите седум години.

Сорос наводно инвестирал десетици милиони долари во кампањите на обвинителите низ САД во текот на изминатата деценија, поддржувајќи ги таканаречените „прогресивни кандидати“. Меѓу нив е и државниот обвинител на Њујорк, Алвин Браг, кој го обвини Трамп за наводни финансиски малверзации. Токму поради ваквите случаи, американскиот претседател го обвинува Сорос дека го претвора судството во политичко оружје.