Трагедија во Италија: Петнаесетгодишно момче е во критична состојба по удар од гром за време на силна бура

Петнаесетгодишно момче беше погодено од гром додека беше на отворено во Копо во близина на Кроњалето во централна Италија. Несреќата се случила за време на силна бура, пренесе Индекс.хр.

Тој беше придружуван од неговиот татко, кој веднаш повика брза помош. Тој беше префрлен со хеликоптер во болницата „Сан Салваторе во Л’Аквила“ во најтешка состојба (т.н. црвен код), во несвест и со тешки изгореници. Неговата состојба останува критична.

Операцијата за спасување беше особено тешка поради силниот град што паѓаше во тој момент, според италијанските медиуми. Петнаесетгодишникот прво беше стабилизиран на местото на несреќата, а потоа префрлен во болница.

Тој моментално е на одделението за интензивна нега.