Нова трагедија ја потресе Германија по тешката сообраќајна несреќа во која автомобил удрил во група ученици во градот Динслакен. Според последните информации, второ дете исто така починало и е во критична состојба по несреќата.
Три 12-годишници кои оделе со велосипед до училиште се повредени во несреќата, додека едно дете поминало со полесни повреди.
Страшната несреќа се случила околу 7:45 часот утрово на Хагенштрасе во регионот Рур во Северна Рајна-Вестфалија, Германија. Според полицијата, 47-годишна жена од Динслакен го возела својот Фолксваген кога, од сè уште нејасни причини, одеднаш свртела лево и се судрила челно со група деца на велосипеди.
„Жената се судрила со три деца на велосипеди кои доаѓале од спротивната насока, а потоа и со три паркирани автомобили“, се вели во соопштението на истражителите.
Сцената по несреќата била ужасна. Според германските медиуми, велосипедите на децата биле целосно уништени и искршени на неколку парчиња од силата на ударот. Бројни екипи на брза помош и полиција веднаш пристигнале на местото на настанот, а повредените дванаесетгодишници биле префрлени во блиските болници.
Поради сериозноста на повредите, бил повикан и хеликоптер на брзата помош, но на крајот не бил употребен. Причината зошто леталото не интервенирало сè уште не е позната.
Според информациите од јавното обвинителство, возачот на автомобилот, исто така, претрпел тешки повреди и е префрлен во болница. Истрагата за причината за несреќата е во тек, а полицијата со часови го обезбедувала местото на трагедијата и документирала докази.
