Траект со околу 260 патници се преврте покрај северниот брег на Кипар, најмалку 7 лица ги загубија животите, досега се спасени 237 /видео

Траект со повеќе од 260 патници се преврте покрај северниот брег на Кипар, објавија турските медиуми.

Траектот од типот катамаран патувал од пристаништето Киренија, познато и како Гирне, на север од етнички поделениот Кипар, до турското пристаниште Ташугу во покраината Мерсин.

Најмалку седум лица ги загубија животите кога бродот се преврте, објавија медиумите на турски јазик од Кипар. На бродот имало речиси 270 лица, патници и членови на екипажот. Досега 237 се спасени, додека по 24 сè уште се трага, пренесува АП.

Траектот почнал да се полни со вода кога бил на неколку километри од брегот, објави турската државна телевизија ТРТ.

YÜZLERCE YOLCU TERS DÖNEN GEMİNİN ÜZERİNDE KURTARILMAYI BEKLİYOR!

Girne Limanı’ndan çıkış yaptıktan kısa süre sonra 2-3 km açıkta alabora olan 250’den fazla kişinin bulunduğu Filo Jet’e ait Express Yolcu Gemisi’ndeki yolcular ters dönen geminin üzerinde kurtarılmayı bekliyor!… pic.twitter.com/IwYiaQs3pY

— Özgür Gazete Kıbrıs (@CyprusNewspaper) August 30, 2026

Министерот за транспорт на Северен Кипар, Ерхан Арикли, изјави за ТРТ дека фериботот се превртел и дека спасувачките екипи веќе се на местото на настанот.

Неколку компании управуваат со прометната фериботска линија помеѓу Киренија и Ташугу. Сè уште не е познато која компанија управувала со превртениот траект.

Видео снимките од местото на настанот покажуваат луѓе во елеци за спасување како пловат во водата околу превртениот брод, пренесе „Бета“.