Тинејџер избодел чувар и ученик во училиште во Московскиот регион, а детето им подлегнало на повредите, соопшти Рускиот истражен комитет.
„Утрово, во образовна институција лоцирана во селото Горки-2 во Одинцовскиот округ, малолетник избодел работник на обезбедување и ученик. Детето починало од повредите“, соопшти Истражниот комитет, пренесе Интерфакс.
Тинејџерот, наводно ученик од 9-то одделение во училиштето каде што се случил нападот, пристигнал вооружен утрово и прво го нападнал чуварот на училиштето, кого го испрскал со бибер спреј, а потоа го избодел со нож.
Според достапните информации, напаѓачот им се обратил на учениците пред нападот и ги прашал за нивната националност.
Сведоци велат дека потоа почнал да брка едно од децата, извикувајќи расистички навреди. Убиецот наводно самиот го снимил целиот напад.
Деветтоодделенецот Т. К., кој го изврши нападот врз училиштето, бил поддржувач на радикални неонацистички движења. Десетгодишникот кој беше убиен беше од таџикистанска националност.
Тинејџерот кој го нападна училиштето беше виден и како носи маица со слоганот „Ниеден живот не е важен“ (No lives matter)
Ова е неформално движење, а не структурирана организација – нема водач. Неговите следбеници промовираат насилство, тероризам и уништување на човештвото. Движењето потекнува од Соединетите Американски Држави.
Неговите основни принципи се нихилизам и антихуманизам. Стана познато токму по своите напади и убиства. Класифицирано е како терористичко движење во Соединетите Американски Држави.
