Американски авион E-3 Sentry AWACS наводно бил уништен во ирански ракетен и беспилотен напад врз воздухопловната база Принц Султан на 27 март, објави Defense Industry Europe.
Во нападот се повредени повеќе од десетина американски војници, од кои двајца се сериозно повредени, а оштетени се и авиони за воздушно полнење гориво.
Централната команда на САД не го коментираше инцидентот. Фотографија анализирана од списанието Air & Space Forces наводно покажува значителна штета на авион E-3 во базата, но обемот на штетата сè уште не е независно потврден.
Исто така, не е потврдено дали објавената фотографија всушност го прикажува погодениот авион, пренесува Index.hr.
Според неофицијални податоци, шест авиони E-3 биле стационирани во базата во времето на нападот.
Зошто AWACS е клучен
Авионите E-3 AWACS играат клучна улога во воздушните операции на САД од крајот на 1970-тите. Тие обезбедуваат команда и контрола, како и можности за разузнавање, надзор и извидување. Тие се користеле во операции како што се Пустинска бура, војната во Косово, како и во Ирак, Авганистан и борбата против Исламската држава.
Флотата е намалена на околу 16 авиони, со оперативна подготвеност од околу 56 проценти во фискалната 2024 година.
Експертите велат дека губењето на оперативните Е-3 би можело значително да влијае на способноста на воздухопловните сили да спроведуваат воздушни операции, со потенцијални празнини во надзорот и послаба координација на бојното поле.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
