Големиот пожар што вчера избувна во околината на Струмица и се приближи до месноста Софилар е ставен под контрола, информира командирот на ТППЕ Струмица, Александар Гудев.
Огнената линија од Водоча и Баница до Софилар е локализирана, а активно горење има само на едно тешко пристапно место во близина на Водоча.
Во гаснењето учествувале струмичките пожарникари, екипи од други градови, како и еден „ер трактор“ на Дирекцијата за заштита и спасување. Ангажирана била и механизација за пробивање противпожарни појаси.
Иако огнот во еден момент стигнал до дворови на куќи и викендички во Софилар, според досегашните информации нема поголема материјална штета.
Екипите остануваат на терен за целосно гаснење и обезбедување на опожареното подрачје.
ИЗДВОЕНИ
Пожарот кај Палиград се приближува до куќите: Пожарникарите остануваат цела ноќ, утрово ќе се гасне и од воздух
Западнонилската треска зема уште ден живот, петта жртва од вирусот во земјава
Над 20 пожари низ Македонија, критично во Струмичко: Огнот се приближи до куќи
Деца од Тетово пакувале дрога во работилница
