Заменик-министерот за надворешни работи на Иран, Казем Гарибабади, изјави дека безбедноста на Ормускиот теснец е во рацете на крајбрежните држави и предупреди дека оние кои ќе предизвикаат криза ќе бидат одговорни „за последиците од нивниот авантуризам“.
„Ова е сериозно предупредување“, рече Гарибабади, објави денес новинската агенција „Мехр“.
Гарибабади напиша на својата лична страница на една од социјалните мрежи: „Ормускиот теснец не е арена за воени демонстрации за трансрегионални сили“.
Тој рече дека Иран, како одговорна сила и гарант на безбедноста на теснецот, предупредува против каков било воен потег во овој чувствителен воден пат.
„Безбедноста на Ормускиот теснец е во рацете на крајбрежните држави, а оние кои ќе предизвикаат криза ќе бидат одговорни за последиците од нивниот авантуризам. Ова е сериозно предупредување“, напиша Гарибабади, објави „Танјуг“.
