Најмалку 15 новороденчиња загинаа во пожар што утрово избувна во одделението за мајки и деца при Пакистанскиот институт за медицински науки во Исламабад, објави телевизијата Гео њуз, повикувајќи се на локалните власти. Во одделението во моментот на избувнувањето на пожарот имало 16 бебиња, од кои било спасено само едно.
Пожарот избувнал околу 6.45 часот во просторијата за новороденчиња на третиот кат од болницата. Според првичните информации, огнот бил предизвикан од експлозија или дефект на компресорот на системот за климатизација. Точната причина треба да ја утврди истрагата.
🚨 At least 15 newborns were killed after a fire broke out in the gynaecology ward of Pakistan Institute of Medical Sciences (PIMS) in Islamabad.#TheCurrent #PIMS #Islamabad pic.twitter.com/iwF6mXZhiF
— The Current (@TheCurrentPK) August 26, 2026
Пожарникарите успеале да го локализираат и изгаснат пожарот, а просторот во кој избувнал огнот е затворен.
Пакистанскиот премиер Шехбаз Шариф нареди итна истрага и побара да се утврди одговорноста за трагедијата. Формирана е повеќеинституционална комисија, која треба да ги испита причините за пожарот, безбедносните мерки и реакцијата на надлежните служби.
Телевизиските снимки прикажуваат густ чад што излегува од болничкиот објект и пожарникари кои, кршејќи ги прозорците, се обидуваат да стигнат до просториите погодени од пожарот.
Пакистанскиот институт за медицински науки е една од најголемите државни болници во Исламабад.
ИЗДВОЕНИ
КОЛУМНА, ГОРДАН ЈОРДАНОВ: Може ли словенското помирување да ја спаси Европа од нова голема војна?
Мицкоски: Јас би бил најсреќен ако Американците ги затегнат условите за иселенички визи, оваа Влада сака да ги врати иселениците
Димитријевиќ се враќа за Македонија: „Последна шанса за Евробаскет“
Мицкоски за „Брајтбарт њуз“: Кога на Америка ѝ беа потребни сојузници, мојата земја не се криеше во толпата
