Српски државјанин, вработен во компанија за чистење возови на главната железничка станица во Виена, е осомничен за злоупотреба на виолина вредна околу 27.000 евра што еден патник ја заборавил во возот, објавува австрискиот јавен радиодифузен сервис ORF.
Според полицијата, 59-годишната сопственичка сфатила дека го заборавила инструментот откако излегла од возот и веднаш пријавила дека е исчезнат.
Истрагата утврди дека 24-годишен српски државјанин, кој работел на чистење на композицијата, ја пронашол виолината, но не ја предал на службата за изгубено-најдено.
Наместо тоа, тој се обидел да ја утврди нејзината вредност и да организира продажба.
Австриската полиција соопшти дека во случајот е вклучен и 23-годишен австриски државјанин и дека истражителите се сомневаат дека тој помогнал во обидот за продажба на инструментот.
Двајцата мажи беа уапсени, го признаа делото за време на испрашувањето и беа обвинети за тешка кражба и прикривање на украден имот.
Виолината во меѓувреме ѝ е вратена на сопственичката.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
