Спортски терени во Карпош осветлени до 22 часот

Од Општина Карпош информираат дека од денеска рефлекторите на сите спортски терени во Општина Карпош работат до 22 часот, секој ден, за да можат младите да се рекреираат и во вечерните часови.

-Во исто време, апелираме, пред се до помладите сограѓани, да се однесуваат примерно на јавните површини, да не го нарушуваат мирот и потребата за одмор на своите соседи, да се однесуваат општествено одговорно кон поставената урбана опрема, како и кон опремата наменета за спорт и рекреација, како на спортските игралишта, така и на детските игралишта, но и на останатите јавни површини.