Соучесничката на Епстин бара помилување: Демократите тврдат дека добива посебен третман

Гислен Максвел, соучесничка на осудениот сексуален престапник Џефри Епшстин, има намера да поднесе барање до американската администрација за намалување на нејзината затворска казна, која се очекува да трае до 2037 година, според документите добиени од демократите во Комитетот за правосудство на Претставничкиот дом и видени од „Си-би-есн њуз“.

Како што наведоа демократите во писмо до американскиот претседател Доналд Трамп, Максвел подготвува барање за промена на казната, кое треба да го разгледа администрацијата, а кое исто така ќе оди директно до претседателот. Тие додадоа дека затворскиот управник лично ѝ помага на Максвел во подготовката и испраќањето документи поврзани со ова барање.

Во писмо до Трамп, демократите рекоа дека информациите што ги добиле покажуваат дека или самата Максвел бара претседателот да ја ослободи од нејзината 20-годишна затворска казна, или дека сега има доволно влијание врз друга администрација за Трамп или Министерството за правда да го испочитуваат нејзиното барање.

Во писмото се додава дека таа ужива преференцијален третман во федералниот затвор со минимална безбедност во Брајан, Тексас, каде што била префрлена во текот на летото по состанокот со заменик-јавниот обвинител на САД, Тод Бланч, кој разговарал за случајот Епстин.

Во писмото на демократите се наведува дека, меѓу другото, затворскиот персонал носи нарачани оброци во ќелијата на Максвел и дека управникот организира приватни состаноци со посетители за неа.

Демократите, исто така, побараа заменик-јавниот обвинител Бланч да биде повикан на јавно сослушување за да одговори на прашања од Комитетот за користењето на ресурсите за спроведување на законот и потенцијалната размена на услуги.

Врховниот суд на Соединетите Американски Држави одби на почетокот на октомври да ја разгледа жалбата на Гислен Максвел за пресудата од 2021 година со која таа беше осудена на 20 години затвор за нејзината улога во злоупотребата и сексуалната експлоатација на малолетници во соработка со осудениот сексуален престапник Џефри Епстин.

Максвел се обиде да ја поништи пресудата, повикувајќи се на спогодба за признавање на вина од 2007 година помеѓу американскиот обвинител во Мајами и Епштајн, тврдејќи дека договорот, исто така, ги заштитил неговите соработници, вклучително и неа, од гонење, пренесе „Си-би-ес њуз“.

Максвел е во затвор од 2021 година и моментално отслужува казна од минимална безбедност во Тексас, откако претходно беше држен во порестриктивен објект во Флорида.