Националното биро за борба против корупција на Украина (НАБУ) денес објави дека спроведе операција насочена кон наводна криминална организација предводена од службено лице од Канцеларијата на генералниот обвинител, осомничено за заштита на мрежа од лажни кол-центри и перење нелегални средства.
Според полициски извор цитиран од весникот „Киев Индепендент“, НАБУ го уапси Серхиј Кропива, заменик-директор на Одделот за меѓународна соработка на Канцеларијата на генералниот обвинител.
Канцеларијата на генералниот обвинител соопшти дека службеното лице ќе биде суспендирано во исчекување на истрагата и дека „целосно ќе соработува со органите за борба против корупцијата“.
Случајот доаѓа во време кога НАБУ ги засили своите истраги, при што неколку поранешни високи функционери од кабинетот на украинскиот претседател Володимир Зеленски неодамна беа вмешани во случаи на корупција, пренесе „Бета“.
ИЗДВОЕНИ
Преспа – природна слика вредна милион зборови: Со езерото се врати и животот: екот на тивката питомина
Ако им е решено станбеното прашање, младите многу полесно ќе се одлучат за брак и за деца
Западнонилската треска годинава ги надмина претходните 15 години
Секоја осма жена бара четврта, петта или шеста шанса за ин витро
