Покрај големите капитални проекти кои го менуваат ликот на градот, Град Скопје работи и на секој детаљ што, како што велат градските власти, значи поголем ред, безбедност и урбана култура.
Притоа, интензивно се врши обележување на хоризонталната сигнализација, како и замена на дотраената вертикална сигнализација низ градските сообраќајници.
– Јасната, видлива и функционална сигнализација е основа за побезбеден сообраќај, подобра организација и поголема сигурност за сите учесници во сообраќајот – истакна скопскиот градоначалник, Орце Ѓорѓиевски.
Тој додаде дека паралелно, се поставуваат и заштитни столпчиња долж булеварите, со цел да се заштити јавниот простор, да се обезбедат пешачките и велосипедските патеки и да се стави крај на паркирањето таму каде што не му е место. Воедно, се уредува и зеленилото кое е во надлежност на Град Скопје, а континуирано се чисти и коритото на реката Вардар на територијата на град Скопје.
Исто така, во Зоолошката градина во Скопје се уредуваат пешачките зони, а континуирано се работи и на подобрување на пешачките и велосипедските патеки низ градот.
ИЗДВОЕНИ
Клековски во гостиварската Општа болница: Се бара причината за зголемениот број на пациенти во Гостивар – најголем број од случаите се регистрирани во последните два дена
Не може ако е купен станот по 3.000 евра за квадрат, да се плаќа данок како да вреди 1.500 евра
Поевтини горива ќе се точат цело лето и цела есен
Водата во Гостивар не е за пиење, се истражува дали диви пумпи го контаминирале водоводниот систем кај Вруток
