Силен земјотрес е регистриран попладнево во Грција, потресот е почувствуван и во југостичниот дел на Македонија

Земјотрес со јачина од 5,3 степени според Рихтеровата скала попладнево во 14.46 часот по македонско време е регистриран во морскиот дел на Света Гора.

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес, 7 јуни 2025 година, регистрираа серија на земјотреси чии епицентри потекнуваат од соседна Република Грција.

Според досегашните податоци со кои располага опсерваторијата, зејмотресот е почувствуван земјотресот во 14 часот и 46 минути чиј епицентар се наоѓа 290 km југоисточно од Скопје, со Рихтерова локална магнитуда M_L5.2.

Земјотресот беше почувствуван во југоисточниот дел на Републиката со интензитет од три степени според Европската макросеизмичка скала.