Што се случува во Америка? Зима каква што не паметат дури ни метеоролозите/ВИДЕО

Силна зимска бура го погоди југоисточниот дел на САД, носејќи обилни снежни врнежи, ветрови со сила на ураган, налети на ветер и екстремно ниски температури што претставуваат сериозна закана за животот.

Според Националната метеоролошка служба, систем со низок притисок што се формирал покрај брегот преку ноќ се развил во она што е познато како „експлозивна циклогенеза“, исто така познато како бомбашки циклон – редок зимски феномен што се развива и се интензивира екстремно брзо.

Во Северна Каролина се забележани едни од најголемите снежни врнежи досега откако постојат мерењата.

For the past 2 weeks winter was in full mode in some parts of the globe while others felt like winter systems have become less potent. This is largely due to the stratospheric warming of the polar vortex which caused big chunk of it to move toward North America while
(1/4) pic.twitter.com/lw8637CNmt

— 𐤄𐤑𐤋𐤀𐤋 هتصليل🇵🇸🌧️ (@hatzeleel01) February 1, 2026

Во некои од крајбрежни области имаше повеќе од 25 сантиметри снег, додека Шарлот го доживеа својот четврти најснежен ден за речиси 150 години. Јужна Каролина беше исто така силно погодена, како и делови од Џорџија и Вирџинија.

They said stay home.
Nobody listened.

750 accidents across North Carolina today. 🙄❄️pic.twitter.com/P0qij3NKXM

— CLTGuide (@CLTGuide) February 1, 2026

Арктичкиот воздух носи рекорди и во Флорида

Откако помина бурата, студениот арктички воздух се движеше кон југ, предизвикувајќи необични временски екстреми.

Метеоролозите забележаа нови февруарски рекорди за температурата во Флорида, при што температурите паднаа под нулата во некои области – дури и на крајниот југ на државата.

Националната метеоролошка служба вели дека слични температури во Флорида последен пат се забележани кон крајот на 1980-тите години на минатиот век.

Вчастите предупредија на исклучително опасни услови поради студените ветрови, кои дополнително го зголемуваат чувството на студ и значително го зголемуваат ризикот од хипотермија и смрзнатини.

Бурата се случи само една недела по претходниот бран екстремен студ и обилни снежни врнежи, за време на кој најмалку 85 лица ги загубија животите во неколку држави.

So much cold air spilling out across the Gulf, Florida, and the SW Atlantic.
Storm has achieved its warm seclusion eye. pic.twitter.com/TygfPG0SQP

— ContentWeatherGuy (@ContentWxGuy) February 1, 2026

Стотици илјади домаќинства сè уште се без електрична енергија, а со тоа и без греење.

До недела наутро, нови прекини на електричната енергија погодија повеќе од 150.000 домови и бизниси низ целата земја, а најлоши услови се регистрирани во Мисисипи и Тенеси.

Проблеми беа регистрирани и во воздушниот сообраќај. Повеќе од 1.100 летови беа откажани во неделата, откако околу 2.500 беа откажани претходниот ден.

Американските медиуми, исто така, известуваат за голем број сообраќајни несреќи, како и за сериозни доцнења во испораката на стока поради ледените услови.