Шест земји членки на Европската унија побараа изземање или целосно го блокираа 21-от пакет санкции против Русија, пишуваат медиумите.
„Во тренд што може да ја доведе во прашање четиригодишната стратегија за поддршка на Украина, некои земји, вклучувајќи ги Грција, Франција, Италија, Германија, Австрија и Португалија, побараа изземање од најновиот пакет санкции или целосно ги блокираа предложените мерки“, се наведува во текстот.
Според медиумите, Атина, меѓу другото, бара да не се воведуваат ограничувања за транспортот на руски течен природен гас, бидејќи тоа може да предизвика сериозна штета на грчките превозни компании. Затоа, Европската комисија би можела да отстрани некои контроверзни одредби од 21-от пакет санкции.
Во јануари, Советот на ЕУ усвои регулатива за постепено укинување на увозот на руски енергенси.
Забраната за увоз на течен природен гас според долгорочни договори е предвидено да стапи на сила на 1 јануари 2027 година, додека забраната за увоз на руски гас преку цевководи е планирано да стапи на сила на 1 ноември 2027 година.
ИЗДВОЕНИ
Водата во Гостивар била многу загадена со колиформни бактерии
Нови цени на горивата од полноќ: Бензините поскапуваат за три, дизелот за шест денари
Забележано е почетно намалување на бројот на новoпрегледани пациенти во Гостивар, активно се следи состојбата на терен, информираат од МЗ
НАЈДОБРИТЕ СРЕДНОШКОЛЦИ ШТО ОДНОВО ДОНЕСОА ГРСТ МЕДАЛИ ОД ПРЕСТИЖНИТЕ НАТПРЕВАРИ, ПРЕД ДИЛЕМИ: Странските универзитети во трка за најталентираните ученици, Македонија мора да најде начин да им покаже колку смета на нив
