Општинскиот граѓански суд во Загреб донесе неправосилна пресуда во долгогодишен спор за старателството над синот на пејачката Северина Вучковиќ и претприемачот Милан Поповиќ.
Нивниот син Александар отсега ќе живее со својата мајка, што го потврди адвокатот на Северина во тој спор, Јасминка Билош.
Северина се огласи по пресудата со кратка порака: „Ви благодарам, но не е готово“.
„Огромна благодарност до сите што ме опсипуваат со поддршка овие денови… Всушност, мојот син е дома веќе некое време, а сега тоа е формално потврдено со оваа судска одлука“, напиша таа заедно со фотографии со својот син.
„Од друга страна, борбата не е завршена… Ниту мојата, ниту на многу мајки. На пример, има две девојчиња на кои не им е дозволено да го напуштат Загреб 8 години, а нивната мајка е оставена без средства да се бори против суров и студен систем, кој треба да ги стави децата на прво место, а не моќните родители. Не сум престанала и никогаш нема да престанам да зборувам за тоа и да се борам за послабите“, додаде таа.
„На крајот, им благодарам на сите мои пријатели кои беа со мене во изминатите 12 години, на моите адвокати, особено на Јасминка Билош“, заклучи таа.
ИЗДВОЕНИ
Одекнаа зурлите, се облекоа носиите, се разбуди срцето на традицијата – во Галичник, на Петровден, љубовта се мери со векови/ ФОТО
Затворениците без работа, пазарот без работници – неискористениот потенцијал зад решетки
Аларм од камионџиите: Сè потешко се опстанува на европските патишта
Во Дојран може да се летува за помалку од 200 евра, но и покрај ниските цени, нема туристи
