Почнаа градежните активности за реконструкција на краци од улицата „Тодор Чангов“ во населбата Лисиче.
Од Општина Аеродром информираат дека во рамките на проектот се врши целосно отстранување на дотраениот и оштетен асфалт, замена на постојниот тампон со нов, по што ќе следува поставување на нов асфалтен слој.
Реконструкцијата е дел од проектите што ги реализира Општина Аеродром во рамките на вториот јавен повик на Владата за финансирање инфраструктурни проекти. Преку обезбедените средства, Општината продолжува со реализацијата на значајни капитални инвестиции насочени кон модернизација на инфраструктурата и подобрување на условите за живот на граѓаните.
– Во текот на летниот период, Општина Аеродром ќе реализира голем број инфраструктурни проекти на повеќе локации. Во фокусот се: реконструкцијата и санацијата на улици; уредувањето на јавниот простор; подобрувањето на комуналната инфраструктура и реализацијата на нови капитални инвестиции, со цел создавање помодерна, пофункционална и поуредена општина – најавуваат од локалната самоуправа.
ИЗДВОЕНИ
„Дјуран Дјуран“ приреди аудиовизуелен спектакл за генерацијата што порасна со него; Концерт на еден од најпознатите светски бендови во Скопје
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
