Се појави досега невидено интервју со Епштајн: Што одговори на тврдењето дека е сексуален престапник?/ВИДЕО

Објавено е видео од Џефри Епштајн како одговара на низа прашања за неговото богатство и фактот дека е регистриран сексуален престапник. Видеото е пронајдено меѓу неодамна објавените документи и го прикажува Епштајн во разговор со лице за кое се верува дека е Стив Бенон, пишува „Скај њуз“.

Видеото го прикажува Епштајн, со очила и црна кошула, како мирно одговара на прашања.

Во еден момент, соговорникот го прашува дали неговите пари се „валкани“.

BREAKING: Clip from Epstein's Final interview:

He talks about being a sexual predator, and then is asked if he thinks he 'the devil himself'.

He then says the devil scares him. pic.twitter.com/Oxn1I7Umvq

— Brian Krassenstein (@krassenstein) January 31, 2026

-Не, не се – одговара Епштајн.

Кога го прашуваат зошто, тој накратко додава:

-Затоа што јас ги заработив.

Кога соговорникот му сугерира дека го стекнал своето богатство „советувајќи ги најлошите луѓе во светот кои прават ужасни работи“, Епштајн одговара дека „моралот е секогаш сложено прашање“.

Потоа тврди дека донирал пари за да помогне во искоренувањето на детската парализа во Пакистан и Индија.

Соговорникот потоа го прашува за неговиот статус на сексуален престапник:

Која категорија на сексуален престапник сте? Трета?

-Прва. Јас сум во најлесната категорија“, одговара Епштајн.

На прашањето дали оние на кои им дал донации знаат од каде доаѓаат парите, следува бизарна размена. Епштајн вели:

-Мислам дека и да им кажете оти самиот ѓавол им нуди пари во замена за животот на едно дете… тие би ги земале.

Дали мислите дека сте ѓавол? – го прекинува соговорникот.

-Не, јасно го гледам мојот одраз во огледалото – одговара Епштајн.

Соговорникот потоа инсистира:

Ова е сериозно прашање. Дали мислите дека сте самиот ѓавол?

🚨 Before it gets deleted: The full Jeffrey Epstein Interview by Steve Bannon.

A lot of information surrounding the Epstein files has been taken down and redacted. Make sure to bookmark and repost this so more people can see it before it's also taken down.

unedited (by me) 1hr… pic.twitter.com/WbbNMIyF9T

— Alex James (@actualAlexJames) February 1, 2026

-Не знам. Зошто го кажувате тоа? – прашува Епштајн.

Затоа што ги имате сите негови квалитети – почнува соговорникот, но Епштајн го прекинува:

-Не, јас се плашам од ѓаволот.

Лицето што го интервјуира Епштајн не е видливо на снимката, но се верува дека е Бенон, поранешниот главен стратег на Доналд Трамп, кој служел на таа позиција во текот на првите седум месеци од првиот претседателски мандат на Трамп.

Не е познато кога и каде е снимено интервјуто, кој го снимил или зошто Бенон разговарал со Епштајн, но се шпекулира дека целта била обид да се обликува јавниот настап на Епштајн пред неговото судење.