Портпаролката на руското Министерство за надворешни работи, Марија Захарова, денес изјави дека земјата уште од самиот почеток ја нагласуваше потребата од политичко и дипломатско решение на конфликтот на Блискиот Исток.
„Уште од првите изјави, нашата земја јасно посочи дека е потребно веднаш да се запре агресијата на САД и Израел против Иран, дека нема воено решение за оваа ситуација и дека само вистинско политичко и дипломатско решение, засновано на преговори и реално разгледување на позициите на сите страни, може да донесе стабилност“, изјави Захарова за Спутник.
Таа додаде дека „пристапот кон едностран, агресивен и неиспровоциран напад претрпе катастрофален пораз“, објави ТАСС.
Претходно, пакистанскиот премиер Шахбаз Шариф објави дека Иран и САД постигнале договор за прекин на огнот, кој стапил на сила веднаш и ќе се почитува „во Либан и насекаде“, пренесува Танјуг.
Шариф, исто така, ги покани иранските и американските делегации во Исламабад на 10 април за понатамошни преговори.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
