Самохрана мајка од Кочани напуштила работа за да се грижи за повредениот син: „Јас го облекувам, го мачкам, го масирам“/ВИДЕО

Од страна на
Вечер
-
329

Силвана Петрова, самохрана мајка на повредениот Трајче Петров, во емотивно сведоштво за „Support Kocani“ објасни за тешката состојба во која се наоѓа. Таа дала отказ од работното место за да се грижи за својот син, а исто така посочува дека има возрасна мајка со два мозочни удари, и мало дете од 10 години.

„Јас му облакам чорапи, го мачкам, масирам.. морав работата да ја напуштам за да се посветам на детето. Е сега колку сѐ може за тие некои работи, поврзани со него – јас што имам ќе дадам, ама морам да имам нешто и помош. Од државата треба да имаме ние помош. Ние ништо немаме од државата“, рече Петрова.

Таа рече дека кога го пуштиле од болницата во Грција, рекле дека ништо не е готово. Туку дека од тој момент почнува процесот на заздравување.

„Многу хигиена, многу средства, пазење од сонце…Они мислат набрзина ќе помине, ама нема..Не може ни да работи моментално.. јас му сечкам јадење, за да тој со левата рака може да пренесе до устата“, додаде Петрова.

Предупредување: На снимката има сегменти од раните на повреденото момче

 

View this post on Instagram

 

A post shared by @supportkocani

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ