САД и Русија се согласија да го продолжат дијалогот на високо ниво меѓу нивните војски, по разговорите во Абу Даби, што би можело да сигнализира одреден степен на нормализација на односите, соопшти Пентагон.
Дијалогот беше прекинат пред руската инвазија на Украина во 2022 година, најсмртоносниот конфликт во Европа од Втората светска војна и најголемата конфронтација меѓу Москва и Западот од врвот на Студената војна.
„Целта на продолжувањето на овој механизам е да се избегнат погрешни пресметки и ескалација од двете страни“, се вели во соопштението на американската војска, објавено од „Ројтерс“.
„Одржувањето на дијалогот меѓу војските е важен фактор за глобалната стабилност и мир, што може да се постигне само преку сила, и овозможува поголема транспарентност и деескалација“, се додава во соопштението.
Договорот следеше по разговорите меѓу командантот на Европската команда на САД, генерал Алексус Гринкевич, и руските и украинските воени претставници во Абу Даби.
Иако разговорите на највисоко ниво беа прекинати, телефонската линија за избегнување конфликти беше одржана.
ИЗДВОЕНИ
Полицијата конфискува, судот одлучува – враќањето на одземените возила може да трае со месеци
“Живите газеа да излезат надвор, мртвите ги положувавме на паркинг“
И по седум часа чекање на аеродромите – ЕУ неподготвена за биометриска идентификација
Почина маж од Тетово по компликации од грип, состојбата со вирусот се смирува
