Министерството за финансии на Соединетите Американски Држави ги укина санкциите за поранешниот претседател на босанскиот ентитет Република Српска, Милорад Додик, и членот на босанското претседателство, Жељка Цвијановиќ,пренесе „Ослобоѓење.ба.
Оваа информација беше официјално објавена на официјалната веб-страница на OFAC. Покрај Додик и Цвијановиќ, санкциите се укинати и за многу други физички и правни лица.
Меѓу другите, санкциите се укинати и за семејството на Додик (синот Игор и ќерката Горица). Покрај нив, санкциите се укинати и за зетот на Додик, Павле Ќоровиќ, претседателот на Народното собрание на РС Ненад Стевандиќ и поранешниот премиер на РС Радован Вишковиќ.
Всушност, Американците ги укинаа санкциите за речиси целата мрежа на соработници на Додик.
Кога станува збор за правни лица и компании, санкциите се укинати за Алтернативна телевизија (ATV), Инфинити Медиа, Агапе Ресторан, Фруит Еко и многу други.
Овој потег на Американците доаѓа откако пред помалку од 15 дена беа укинати санкциите за четворица соработници на Милорад Додик кои учествуваа во организирањето на неуставниот Ден на РС.
По укинувањето на овие санкции, дојде до ненадеен пресврт во политиката на Додик, кој формално се согласи да се повлече од функцијата претседател на РС и ја назначи Ана Тришиќ Бабиќ за вршител на должноста претседател на РС.
Дополнително, Народното собрание на РС ги повлече антиуставните закони и заклучоци што беа донесени во последните месеци.
ИЗДВОЕНИ
Ревијален ракометен спектакл на теренот во „СЦ Јане Сандански“ под мотото „Легендите на сцена“ /ФОТОГАЛЕРИЈА
ЧЕТИРИ ДЕНА ПРЕД ГЛАСАЊЕТО ВО ВТОРИОТ КРУГ НА ЛОКАЛНИТЕ ИЗБОРИ КОМБИНАТОРИКИТЕ ВО ПОЛН ЕК: Партиски мобилизации – решавачката битка за секој глас на 33 фронта!
Како да ги задржиме туристите од Србија, Албанија, Грција… кои доаѓаат да полнат бензин или во казина
Има ли пилот во авионот на Комуналец ?
