ФИБА донесе одлука да ги укине индивидуалните ограничувања за руските и за белоруските кошаркари и официјални лица. Одлуката се однесува на играчите, тренерите, судиите, комесарите и на другите службени лица, а важи и за кошарката 3х3.
Тоа значи дека руските и белоруските кошаркари веднаш можат да настапуваат на натпреварувањата под капата на ФИБА. Сепак, одлуката не значи целосно враќање на Русија и на Белорусија во меѓународната кошарка.
Националните тимови и понатаму се надвор од натпреварувањата, а ФИБА ќе го разгледува ова прашање дополнително во декември 2026 година. Сега во центарот на вниманието се Евролигата и прашањето дали и таа ќе направи сличен чекор. Доколку се укинат ограничувањата и на клупско ниво, руските гиганти би можеле повторно да се појават на европската сцена.
Тоа би било огромна промена за европската кошарка, особено по неколкугодишното отсуство на руските клубови. Засега, сепак, нема одлука за нивно враќање во Евролигата, па следниот потег останува во рацете на европските кошаркарски структури.
ИЗДВОЕНИ
Таткото е на меѓународна потерница, а ќерката бара да замине во Бугарија на лекување
Газдите штедат на придонеси, знаењето станува „непотребен“ луксуз
Одбраната се фати за бојата на сунѓерот, сведоците ги потсетија на цијанидот и кога се користел во историјата
Ја врзал за дрво и ја тепал со тврд предмет
