Општина Карпош го реновираше детското инклузивно игралиште кое се наоѓа во рамки на плоштадот „Делфина“, откако тоа беше цел на вандали и речиси целото беше демолирано од страна на несовесни граѓани.
Локалната самоуправа постави нова подлога која е безбедна за користење, како и нови современи реквизити (освен централниот реквизит кој сè уште е во добра состојба) и други забавни содржини за најмладите карпошани.
Од Општина Карпош повторно апелираат до сите граѓани да се однесуваат совесно и разумно да ги користат реквизитите, бидејќи пред сè станува збор за инклузивно игралиште на кое се рекреираат и децата со попреченост.
