Пријатните разговори со ChatGPT на OpenAI наскоро би можеле да бидат прекинати од реклами, според откритието на софтверски инженер кој го анализирал кодот на експериментална верзија на апликацијата на популарниот четбот, објавува Futurism.
Инженерот Тибор Блахо забележал десетина линии код во најновата бета верзија на апликацијата ChatGPT за Android, означени како feature ads. Кодот содржи и комерцијални термини како што се search ad, search ads carousel и bazaar content, кои јасно укажуваат на интеграција на рекламни функции.
Ова е уште еден во низата знаци дека OpenAI се подготвува да ги монетизира своите стотици милиони корисници. Притисокот врз компанијата расте бидејќи мора да докаже профитабилност, со оглед на тоа што трошоците за развој и капиталните расходи за вештачка интелигенција ги надминуваат приходите од претплата.
ChatGPT Android app 1.2025.329 beta includes new references to an “ads feature” with “bazaar content”, “search ad” and “search ads carousel” pic.twitter.com/BdHOJIQHmA
— Tibor Blaho (@btibor91) November 29, 2025
Раководството на OpenAI досега беше воздржано во врска со рекламите. Минатиот декември, финансиската директорка Сара Фрајар изјави за Financial Times дека компанијата од половина милијарда долари истражува модел на рекламирање, но подоцна ја ублажи изјавата велејќи дека „нема активни планови за рекламирање“.
Извршниот директор Сем Алтман испрати слични мешани пораки. Иако еднаш ја нарече идејата за реклами „вознемирувачка“ и „последно средство“, оваа година рече дека не е „целосно против“ рекламирањето и очекува да „го проба во одреден момент“. Во исто време, го пофали моделот на рекламирање на Инстаграм, кој често е цел на критики од корисниците.
И покрај пораките на раководството, предупредувачките знаци се таму веќе некое време. Фајненшл тајмс објави дека ОпенАИ регрутира врвни експерти за рекламирање од конкуренти како што се Гугл и Мета и објавува огласи за работни места во секторот.
