По бранот насилство во Црна Гора, во кој беа уништени неколку угостителски објекти во сопственост на граѓани на Република Турција, се огласи реисот на Исламската заедница во Црна Гора и главниот муфтија Рифат еф. Фејзиќ.
– Некои политичари излегуваат да поттикнуваат, и не им е тешко да допрат до дел од народот, свесно изнесувајќи невистини по разни основи до бројка од 110.000 Турци – наведе поглаварот на Исламската заедница во Црна Гора на мрежата X.
Некои политичари наседнуваат на тоа, додаде тој.
– Но, Турците не се проблемот тука, нивниот проблем е Црна Гора, како да ја дестабилизираат и да го сопрат нејзиниот европски пат – напиша Фејзиќ.
Izadju neki političari da nahuškaju, a nije im teško dio naroda, svjesno iznošenjem neistina po raznim osnovama do brojke od 1️⃣1️⃣0️⃣ 0️⃣0️⃣0️⃣ Turaka. Neki političari nasjednu na to.
No ovdje nisu problem Turci, njima je problem 🇲🇪, kako je destabilizovati i zaustaviti njen🇪🇺 put.— Rifat Fejzic (@RifatFejzic) October 27, 2025
Инаку, угостителски објект во центарот на Подгорица, во сопственост на турски државјанин, беше демолиран во текот на ноќта од недела кон понеделник, во низа инциденти што следеа откако група турски државјани нападнаа жител на Подгорица со нож претходната вечер.
Претходната ноќ, група граѓани се собраа во населбата Забјело во Подгорица, каде што се случи нападот врз жител на Подгорица, извикувајќи слогани како „Убијте го Турчинот“.
Полицијата во Подгорица синоќа приведе неколку црногорски граѓани откако пронашла и конфискувала неколку бејзбол палки подготвени за одмазднички напад во населбата Забјело, во близина на зграда позната како Команка.
Во понеделник, Владата на Црна Гора донесе одлука за привремено суспендирање на безвизниот режим за граѓаните на Република Турција.
